Молитвы на благословение дома

«Мой дом – моя крепость», так говорят в России. И благополучие каждого дома – одна из главных задач его хозяев. Ведь семья, это малая церковь, а глава семьи – глава малой церкви. И речь идет не только о финансовом благополучии дома. Главное – духовная благодать, взаимная любовь и сопереживание. Ведь сколько угодно можно привести примеров того, как в богатых домах царит горе и безумие. А в скромных жилищах – покой и радость. Именно поэтому молитвы на благословение дома и живущих в нем должны присутствовать в молитвенном правиле каждого, кто хочет быть счастливым, вырастить своих детей в вере.

Св. мученице Параскеве, нареченной Пятнице

Святая Параскева Пятница

Святая Параскева жила в 3 веке. Имя переводится как Пятница, отсюда ее в России стали звать Параскева Пятница. Девушка принесла обет девства и отреклась от благ мира. Она занималась проповедованием христианства среди язычников. Как убежденная христианка, она была подвергнута пыткам и приняла мученическую смерть. На Руси всегда пользовалась особой любовью как покровительница семейного очага. Параскеве приносят молитвы на защиту дома на каждый день, просят ее о помощи в земледелии и женских хлопотах и заботах.

О, свята́я и преблаже́нная му́ченице Христо́ва Параске́во, красото́ деви́ческая, му́чеников похвало́, прему́дрых удивле́ние, ве́ры христиа́нской храни́тельнице, и́дольския льсти́ обличи́тельнице, Ева́нгелия Боже́ственнаго побо́рнице, за́поведей Госпо́дних ревни́тельнице, сподо́бльшаяся приити́ ко приста́нищу ве́чнаго поко́я и в черто́зе Жениха́ твоего́ Христа́ Бо́га све́тло веселя́щаяся, сугу́бым венце́м де́вства и му́ченичества украше́нная! Мо́лим тя́, свята́я му́ченице: бу́ди о на́с (имена́) печа́льница ко Христу́ Бо́гу, Его́же преблаже́ннейшим зре́нием при́сно весели́шися; разжени́ твои́ми святы́ми моли́твами мра́к, прибы́вший от грехо́в на́ших: испроси́ у Бо́га све́тов све́т благода́ти душе́вным и теле́сным очесе́м на́шим: просвети́ на́с, омраче́нных грехми́, све́том Бо́жия благода́ти, да твои́х ра́ди святы́х моли́тв да́стся безоче́сным сла́дкое зре́ние. О вели́кая уго́днице Бо́жия! О му́жественнейшая де́во! О кре́пкая му́ченице, свята́я Параске́во! Святы́ми твои́ми моли́твами бу́ди на́м гре́шным помо́щница, хода́тайствуй и моли́ся об окая́нных и зело́ неради́вых гре́шницех, ускори́ на по́мощь на́м, и́бо зело́ немощни́и есмы́; моли́ Го́спода, чи́стая деви́це, моли́ Милосе́рдаго, свята́я му́ченице, моли́ Жениха́ твоего́, непоро́чная Христо́ва неве́сто, да твои́ми моли́твами посо́бствовани, мра́ка же грехо́внаго избы́вше, во све́те и́стинныя ве́ры и дея́ний боже́ственных вни́дем в све́т ве́чный дне́ невече́рняго, во гра́д весе́лия при́снаго, в не́мже ты́ ны́не све́тло блиста́еши сла́вою и весе́лием безконе́чным, славосло́вящи и воспева́ющи со все́ми небе́сными си́лами трисия́тельное еди́ное Божество́, Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.

Пред иконой Божией Матери «Покров Пресвятой Богородицы»

Икона Покров Пресвятой Богородицы

Одна из самых любимых икон Богородицы в России, это «Покров Пресвятой Богородицы». Считается, что однажды Богородица спасла Константинополь от нападения сарацин, которые были мусульманами, накрыв его своим покрывалом. После чего враги без кровопролития отступили.

Поэтому по сей день перед этой иконой читают молитву на защиту дома и благословение. Особенно от врагов, которые подкрадываются неожиданно и коварно, защитит заступничество Богородицы. Таковыми врагами для всех православных являются уловки нечистого, греховные мысли и дела.

Праздник Покрова отмечается в октябре, поэтому особенно действенны молитвы перед иконой в эти дни.

О, Пресвята́я Де́во, Ма́ти Го́спода Вы́шних Си́л, Небесе́ и земли́ Цари́це, гра́да и страны́ на́шея всемо́щная Засту́пнице! Приими́ хвале́бно-благода́рственное пе́ние сие́ от на́с, недосто́йных ра́б Твои́х, и вознеси́ моли́твы на́ша ко Престо́лу Бо́га Сы́на Твоего́, да ми́лостив бу́дет непра́вдам на́шим и проба́вит благода́ть Свою́ чту́щим всечестно́е и́мя Твое́ и с ве́рою и любо́вию покланя́ющимся чудотво́рному о́бразу Твоему́. Не́смы бо досто́йни от Него́ поми́ловани бы́ти, а́ще не Ты́ уми́лостивиши Его́ о на́с, Влады́чице, я́ко вся́ Тебе́ от Него́ возмо́жна су́ть. Сего́ ра́ди к Тебе́ прибега́ем, я́ко к несомне́нней и ско́рей Засту́пнице на́шей: услы́ши на́с, моля́щихся Тебе́, осени́ на́с вседержа́вным покро́вом Твои́м и испроси́ у Бо́га Сы́на Твоего́ па́стырем на́шим ре́вность и бде́ние о душа́х, градоправи́телем му́дрость и си́лу, судия́м пра́вду и нелицеприя́тие, наста́вником ра́зум и смиренному́дрие, супру́гом любо́вь и согла́сие, ча́дом послуша́ние, оби́димым терпе́ние, оби́дящим стра́х Бо́жий, скорбя́щим благоду́шие, ра́дующимся воздержа́ние: все́м же на́м ду́х ра́зума и благоче́стия, ду́х милосе́рдия и кро́тости, ду́х чистоты́ и пра́вды. Е́й, Госпоже́ Пресвята́я, умилосе́рдися на немощны́я лю́ди Твоя́; разсе́янныя собери́, заблу́ждшия на пу́ть пра́вый наста́ви, ста́рость поддержи́, ю́ныя уцелому́дри, младе́нцы воспита́й и при́зри на все́х на́с призре́нием ми́лостиваго Твоего́ заступле́ния; воздви́гни на́с из глубины́ грехо́вныя и просвети́ серде́чныя о́чи на́ша ко зре́нию спасе́ния; ми́лостива на́м бу́ди зде́ и та́мо, в стране́ земна́го прише́льствия и на Стра́шнем суде́ Сы́на Твоего́; преста́вльшияся же в ве́ре и покая́нии от жития́ сего́ отцы́ и бра́тию на́шу в ве́чней жи́зни со А́нгелы и со все́ми святы́ми жи́ти сотвори́. Ты́ бо еси́, Госпоже́, Сла́ва небе́сных и Упова́ние земны́х, Ты́ по Бо́зе на́ша Наде́ждо и Засту́пнице все́х притека́ющих к Тебе́ с ве́рою. К Тебе́ у́бо мо́лимся и Тебе́, я́ко Всемогу́щей Помо́щнице, са́ми себе́ и дру́г дру́га и ве́сь живо́т на́ш предае́м, ны́не и при́сно, и во ве́ки веко́в. Ами́нь.

Пред иконой Божией Матери «Феодоровская»

Икона Божией Матери «Феодоровская»

Чудотворная икона Божьей Матери «Феодоровская» была написана евангелистом Лукой. В России она принадлежала князю Александру Невскому, и он никогда с ней не расставался. После его смерти иконой владели наследники святого Александра Невского. В начале 17 века этой иконой был благословлен на царство основатель династии Романовых – Михаил Романов. Икона Феодоровская двусторонняя, потому что на обороте изображен образ Параскевы Пятницы.

Молитва на благословение дома читается перед этой иконой, которая неоднократно спасала наш общий дом – Русь – от нападений разных захватчиков и врагов.

К кому́ воззову́, Влады́чице, к кому́ прибе́гну в печа́ли мое́й; к кому́ принесу́ сле́зы и воздыха́ния моя́, а́ще не к Тебе́, Цари́це Небесе́ и земли́: кто́ исто́ргнет мя́ от ти́ны грехо́в и беззако́ний, а́ще не Ты́, о Ма́ти Живота́, Засту́пнице и Прибе́жище ро́да челове́ческаго. Услы́ши стена́ние мое́, уте́ши мя́ и поми́луй в го́рести мое́й, защити́ в беда́х и напа́стех, изба́ви от озлобле́ний и скорбе́й и вся́ких неду́гов и боле́зней, от вра́г ви́димых и неви́димых, умири́ вражду́ стужа́ющих мне́, да изба́влен бу́ду от клеветы́ и зло́бы челове́ческия; та́кожде от своея́ ми́ пло́ти гну́сных обы́чаев свободи́ мя́. Укры́й мя́ под се́нию ми́лости Твоея́, да обря́щу поко́й и ра́дость и от грехо́в очище́ние. Твоему́ Ма́тернему заступле́нию себе́ вруча́ю; бу́ди мне́ Ма́ти и наде́жде, покро́в и по́мощь и заступле́ние, ра́дость и утеше́ние и ско́рая во все́м Помо́щнице. О чу́дная Влады́чице! Вся́к, притека́ющий к Тебе́, без Твоея́ всеси́льныя по́мощи не отхо́дит: сего́ ра́ди и а́з недосто́йный к Тебе́ прибега́ю, да изба́влен бу́ду от внеза́пныя и лю́тыя сме́рти, скре́жета зу́бнаго и ве́чнаго муче́ния. Небе́сное же Ца́рствие получи́ти сподо́блюся и Тебе́ во умиле́нии се́рдца реку́: Ра́дуйся, Ма́ти Бо́жия, Предста́тельница и Засту́пница на́ша усе́рдная, во ве́ки веко́в. Ами́нь.

1 Звезда2 Звезды3 Звезды4 Звезды5 Звезд (1 оценок, среднее: 5,00 из 5)
Загрузка...
Понравилась статья? Поделиться с друзьями:
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: